Rusiya 2019-cu ildə Ankaraya satdığı S-400 zenit-raket komplekslərini Türkiyədən alıb, başqa ölkəyə satmaq istəyir.
BUTA.TV xəbər verir ki, belə bir iddia ilə Türkiyənin “Nəfəs” nəşri çıxış edib.
Bildirilib ki, Moskvada ehtiyatda göndərilməyə hazır heç bir sistem yoxdur - mövcud olanların hamısını Rusiyanın özü istifadə edir.
"Bu arada Türkiyənin Rusiyanın S-400-lərinə ehtiyacı hər il azalır. Ölkə özünün “Polad Qübbə” milli hava hücumundan müdafiə sistemini inkişaf etdirir. Bundan əlavə, S-400 NATO strukturuna inteqrasiya oluna bilməz və sistemin raketləri artıq istismar müddətinin yarısını işləyib və texniki xidmət tələb edir", - nəşr vurğulayıb.
Nəşr xatırladıb ki, Türkiyə Rusiyadan 2,5 milyard dollara iki S-400 diviziyası alıb (müqavilə 2017-ci ildə imzalanıb, tədarüklər 2019-cu ildə başlayıb). Lakin bu alış ABŞ-ın sərt reaksiyasına səbəb olub: CAATSA qanunu çərçivəsində Ankaraya qarşı sanksiyalar tətbiq edilib və Türkiyə F-35 beşinci nəsil qırıcı proqramından çıxarılıb.
Bu gün Türkiyə F-16 qırıcılarının alınması və modernləşdirilməsi ilə bağlı danışıqlar aparır, həmçinin F-35 layihəsinə qayıtmağı gözləyir, buna görə də Ankara Rusiya sistemlərinin geri qaytarılması variantını nəzərdən keçirə bilər.
- Tamerlan Qarayev Bakıdadır - Foto
- Yaşar Əməşova yeni vəzifə verildi - Foto
- Sabiq nazirin nəvəsi faciəvi şəkildə öldü
- Azərbaycanda arvadının soyadını götürən kişilərin sayı...
- Bakıda baş verən moped və motosiklet qəzaları - Anbaan video
- Bu məktəb və liseydə nümunəvi mülki müdafiə məşqi keçirildi
- Sabah 22 dərəcə isti olacaq
- Xəstənin ölümündə təqsirləndirilən ginekoloqa hökm oxundu