Milli Şuranın sədri Cəmil Həsənlinin ölkədən çıxışına məhdudiyyət tətbiq edilib.
BUTA.TV xəbər verir ki, bu barədə Cəmil Həsənli özü məlumat yayıb.
O bildirib ki, bu gün xanımı ilə birgə Dubayda yaşayan qızı və nəvələrini görmək üçün gedəcəklərmiş, geridönüş bileti isə 15 dekabra alınıbmış. Ancaq bu gün hava limanına gedərkən onun ölkədən çıxışına qadağa qoyulduğunu öyrənib, buna görə də xanımını yola salıb, özü isə geri qayıdıb.
C.Həsənli vurğulayıb ki, artıq onu şahid qismində DTX-yə dəvət ediblər.
O, evində olan vəsaitlə bağlı da məlumat yayıb:
“Yoldaşım da, mən də artıq yaşlandığımız üçün gözlənilməz, qəfil hadisələrə görə (xəstəlik, ölüm-itim və sair) evimizdə rəsmi mənbəyi olan 3 min dollar, 245 paund (funt-sterlinq - red.) pulumuz var. Bundan əlavə Londonda istifadə etdiyim “Revolut” bank kartında haradasa, 30 paund, HSBC kartında isə 709 paund pul var. Əlavə olaraq gündəlik istifadə üçün pensiya kartı. Qeyd etdiyimdən əlavə heç bir vəsait yoxumdur”.
- Mehdiyev AMEA-dan qovulur – Rəyasət Heyəti toplanır
- Adnan Əhmədzadə ilə bağlı bu iddia yalan çıxdı
- Çalışdığı avtoyumada “Hunday”ı qaçırdı
- Nazir döyüş fəaliyyətini yoxladı, tapşırıqlar verdi - Foto
- Bakıda əməliyyat: saxlanılanlar var - Video
- Bakıdan Ermənistana neft daşınması: Tiflisdən simvolik qiymət...
- FHN-in xidmət zamanı həlak olan əməkdaşı dəfn edildi - Foto
- Küləklə bağlı sarı xəbərdarlıq