Hüseyndən həbs xəbərlərinə reaksiya

Bu gün ad günüm deyil, amma diqqətinizə və narahatçılığınıza görə minnətdaram.

BUTA.TV xəbər verir ki, bunu bloger Hüseyn Həsənov barəsində qiyabi həbs və axtarış elan edilməsi barədə xəbərləri şərh edərkən social şəbəkə hesabında bildirib.

“Xəbərləri gördüm. Bir az qorxulu səslənir: müvəqqəti həbs. Amma vəziyyət elə də pis deyil. Vergi məsələləri hələ ötən il bağlanıb. Mənim vəkillərim artıq bu işlə məşğuldurlar. Hər şeyi həll edib, nöqtəni qoyacağıq”, - bloger yazıb.

Qeyd edək ki, Rusiyanın paytaxtı Moskvanın Çertanovski məhkəməsi Hüseyn Həsənovu çirkli pulların yuyulması işi üzrə qiyabi həbs edib.