Ermənistan və Azərbaycan arasında Vaşinqton razılaşmaları təkcə ikitərəfli münasibətlər üçün deyil, həm də Avrasiya İqtisadi İttifaqı ölkələri üçün yeni perspektivlər yaradır.
BUTA.TV xəbər verir ki, bunu Ermənistan Baş naziri Nikol Paşinyan İrəvanda “Orbeli: Sülhün və çoxtərəfli əməkdaşlığın qurulması” illik beynəlxalq forumunda çıxışı zamanı deyib.
“Çoxları bu proseslərin Aİİ-nin maraqlarına zidd olduğunu iddia edir. Amma fakt budur ki, bu müqavilələrdən əvvəl Avrasiya İttifaqının iki ölkəsi arasında mümkün olmayan şey Vaşinqton müqavilələrindən sonra mümkün oldu. Bu, onların verdiyi faydaların bariz nümunəsidir”, - o bildirib.
Baş nazir əlavə edib ki, oxşar imkanlar Özbəkistan üçün də açıla bilər:
“Ermənistan Mərkəzi Asiya ölkələri ilə həm siyasi, həm də iqtisadi əlaqələri dərinləşdirməyə çalışır, lakin bu yolda logistik çətinliklər qalmaqdadır. Ermənistan və Azərbaycan arasında əldə edilən razılaşmaların həyata keçirilməsi bu məsələlərin həllinə kömək edəcək. Bu, Ermənistanla Orta Asiya ölkələri arasında iqtisadi əlaqələrin genişləndirilməsi yoludur. Ermənistan artıq Türkiyə ilə Azərbaycan arasında Marqara-Xndzoresk marşrutu üzrə avtomobil nəqliyyatı üçün imkanlar yaratmağa hazır olduğunu bildirib”.
- Bu ərazilərdə fevralın 23-də qaz kəsiləcək
- Azərbaycanda kərə yağı istehsalı kəskin azaldı
- Ramazanın 4-cü günü: Dua, imsak və iftar vaxtı
- Ötən ay avtomobil nəqliyyatı ilə neçə milyon sərnişin daşınıb?
- Xidmət zamanı maşın vuran FHN əməkdaşının son vəziyyəti
- Bakıda evlərə qənim kəsilən oğru saxlanıldı
- 102-yə zəng edib narkotikin qiymətindən danışdı, həbs olundu
- Mehdiyev AMEA-dan qovulur – Rəyasət Heyəti toplanır