Rusiya-Azərbaycan arasındakı münasibətlərdəki gərginlik Azərbaycan-ABŞ münasibətlərinin yaxşılaşmasına səbəb oldu.
BUTA.TV xəbər verir ki, bunu Atlantik Konsul Beyin Mərkəzinin Avrasiya Şöbəsinin Baş direktoru Con E.Herbst Azərbaycan-ABŞ Beyin Mərkəzlərinin I Forumunda deyib.
“AZAL təyyarəsinin vurulması və bu faktın inkar edilməsi, Rusiyada Azərbaycan iş adamlarına qarşı mənfi münasibət, eləcə də bir sıra digər oxşar amil Azərbaycanla ABŞ arasında münasibətləri daha da yaxınlaşdıracaq”, - o bildirib.
Herbst qeyd edib ki, “Tramp yolu” ABŞ-ı Cənubi Qafqaza daha çox diqqət yetirməyə təşviq edir və burada Azərbaycan, Ermənistan və Türkiyə arasındakı münasibətlər böyük əhəmiyyət kəsb edir.
ABŞ-ın Türkiyə ilə əməkdaşlığından da danışan amerikalı ekspert Türkiyə prezidentinin çətin tərəfdaş olduğunu qeyd edib. Bununla belə, o, Vaşinqton və Türkiyənin Yaxın Şərqdə və Cənubi Qafqazda maraqlarının üst-üstə düşdüyünü vurğulayıb.
- Dövlət qurumları adından kütləvi fişinq hücumları oldu
- Sabah Bakının bu rayonlarında qaz olmayacaq
- Zamirə Ədilova vəzifəsindən ayrıldı
- Bakıda qəribə olay: Məhkəmədən öz həbsini istədi
- Yağışlar zamanı zərər görənlərə nə qədər pul ödəniləcək?
- Bu rayonun bir hissəsində qaz kəsiləcək
- “AzerGold” yeni xatirə sikkəsini təqdim edəcək
- Sabunçuda qadın evdən doqquz min manat oğurladı