Rusiyanın Ukraynaya qarşı işğalçı müharibəsində həlak olan azərbaycanlıların sayı artır. İş o yerə çatıb ki, Azərbaycanın ərazi bütövlüyü uğrunda savaşan qazimiz Rusiyaya gedərək müqavilə əsasında işğalçı dövlətin ordusuna qoşulub və döyüşdə olub.

BUTA.TV xəbər verir ki, bu sözləri politoloq Elxan Şahinoğlu bildirib.O qeyd edib ki, Rusiyanın Ukraynaya qarşı apardığı müharibədə Ermənistandan bir fərqi yoxdur:

“Ermənistan da işğalçı idi, Rusiya da işğalçıdır. Belə çıxır ki, işğalçıya qarşı savaşan döyüşçümüz, bir başqa müharibədə işğalçıya qoşulub. Bunun vaxtilə Suriyada terrorçulara qoşularaq Azərbaycan qanunlarını pozulmasıyla heç bir fərqi yoxdur. Suriyadan geri qayıdan həmin şəxslər cinayət məsuliyyətinə cəlb olundular. Bəs Azərbaycan pasportu ilə Rusiyanın Ukraynaya qarşı işğalçı müharibəsində iştirak edənlər necə cinayət məsuliyyətinə cəlb olunurlarmı? Belələri cəzalandırılmırlarsa, Rusiya ordusuna qoşulan azərbaycanlıların sayı azalmayacaq. Kreml şirnikləndirici müqavilə təklifləriylə qeyri-rusları, o cümlədən azərbaycanlıları ölümə göndərməkdə davam edəcək.

Rusiya vətəndaşı olan azərbaycanlının müqavilə əsasında Ukraynaya qarşı müharibədə iştirak etməsi onun öz işidir, halbuki, bu da doğru deyil. Bir də var ki, Rusiyada miqrant həyatı sürən azərbaycanlının işğalçı müharibədə iştirak etməsi. Ukrayna ordusunun əsir götürdüyü azərbaycanlılar barədə də məlumatlar artıb. Azərbaycanın müvafiq dövlət strukturları bu halların qarşısını almaq barədə düşünməlidir”.

• Bakıda əməliyyat: saxlanılanlar var - Video
• Bakıdan Ermənistana neft daşınması: Tiflisdən simvolik qiymət...
• FHN-in xidmət zamanı həlak olan əməkdaşı dəfn edildi - Foto
• Küləklə bağlı sarı xəbərdarlıq
• Fuad Nəcəfli istintaqa cəlb edildi
• ADY sərnişinlərə kitab hədiyyə edir - Foto
• Ordumuzun əsgəri vəfat etdi - İki ay sonra tərxis olunacaqdı
• Ölüm təhdidi ilə gündəmə gələn şəxsə vəzifə verildi