Mask Medvedyevin zarafatına belə reaksiya verdi

Amerikalı sahibkar İlon Mask Rusiya Təhlükəsizlik Şurasının sədr müavini Dmitri Medvedyevin Rusiyanın onunla ABŞ prezidenti Donald Trampı barışdırmağa hazır olması ilə bağlı zarafatına reaksiya verib.

BUTA.TV xəbər verir ki, Mask Medvedeyvin X sosial şəbəkəsindəki paylaşımına gülən emoji qoyub.

Medvedyev hesabında yazmışdı ki, Rusiya tərəfi Mask və Tramp arasında münaqişənin həllinə “məqbul ödəniş müqabilində” kömək etməyə hazırdır. Siyasətçinin sözlərinə görə, Moskva ödəniş kimi "Starlink" səhmlərini də qəbul edə bilər.

Xatırladaq ki, iyunun 5-də Maskla Tramp arasında fikir ayrılıqları pik həddə çatıb. Onlar sosial şəbəkələrdə bir-biri haqqında qarşılıqlı sərt ittihamlarla çıxış ediblər.