Kiberdələduzlar bir çox hallarda müxtəlif kampaniyalar adı ilə guya ucuz məhsul satışı, məhdud sayda endirim aksiyaları, xeyriyyə aksiyaları və ya sosial yardım proqramları təşkil edildiyini bildirərək istifadəçiləri saxta keçidlərə yönləndirməyə cəhd edirlər.
BUTA.TV xəbər verir ki, bu barədə Elektron Təhlükəsizlik Xidmətindən (Milli CERT) bildirilib.
Qeyd edilib ki, əksər hallarda saxta saytlar vizual olaraq rəsmi qurumların və ya tanınmış şirkətlərin internet səhifələrinə bənzədilir, domen adlarında isə kiçik dəyişikliklər edilməklə istifadəçilərin diqqətindən yayınmağa çalışırlar. Bu üsulla vətəndaşların bank kartı məlumatlarını, fərdi məlumatlarını, eləcə də istifadəçi hesablarını ələ keçirməyə cəhd göstərirlər.
Elektron Təhlükəsizlik Xidməti vətəndaşları bu kimi hallara qarşı diqqətli olmağa, daxil olduqları internet səhifələrinin ünvanını diqqətlə yoxlamağa, kampaniya və aksiyalar barədə məlumatları yalnız rəsmi mənbələrdən yoxlamağa, şübhəli keçidlərə klik etməməyə çağırıb.
- Ramazanın üçüncü günü: Dua, imsak və iftar vaxtı...
- Sabah bu rayonun səkkiz kəndində işıq olmayacaq
- Sosial Tədqiqatlar Mərkəzi MEDİA-ya birləşdirildi, yeni mərkəz yaradıldı - FƏRMAN
- Prezident mühafizəçiləri onları niyə və necə döydü? - VİDEO
- Səfirlikdən bəyanat: Prezidentin korteji otelə yaxınlaşarkən...
- Hacı Əziz məscidinə müdaxilənin qarşısı alındı
- Bakı-Sumqayıt koridorunda görüləcək işlər - Video
- BƏƏ onu Azərbaycana ekstradisiya etdi