Suraxanı rayonunda qəsdən adam öldürmə faktı ilə bağlı cinayət işi başlanıb.

Bu barədə BUTA.TV-a rayon Prokurorluğundan məlumat verilib.

Bildirilib ki, martın 20-də paytaxtın Suraxanı rayonu ərazisində (Hövsan-red) 1990-cı il təvəllüdlü Pərvanə Abbasovanın almış olduğu xəsarətlərdən ölməsi barədə rayon prokurorluğuna məlumat daxil olub.

İlkin araşdırmalarla 1983-cü il təvəllüdlü Vasif Abbasovun Pərvanə Abbasovanı qəsdən öldürməsinə əsaslı şübhələr müəyyən edilib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, V.Abbasov prokurorluq tərəfindən iş üzrə şübhəli şəxs qismində tutulub.

İbtidai istintaq davam edir.

Qeyd edək ki, Pərvanə Abbasova Suraxanı rayonu, Hövsan qəsəbəsində yerləşən 118 saylı məktəbin müəlliməsi olub. Onun əri tərəfindən qətlə yetirildiyi bildirilir.

• Bakıda bu yolda avtobus zolağı ləğv edildi - Video
• Yağış yağacaq, dolu düşəcək - Xəbərdarlıq
• Gəncədə partlayış: xəsarət alan var
• Qazaxda evdən 65 yaşlı kişinin meyiti tapıldı
• Sabah hava necə olacaq?
• Ağdaş və Qəbələnin bəzi ərazilərində qaz yoxdur - Səbəb
• XTQ döyüşçüsü qəzada öldü
• Bu əraziyə qar yağdı