Xəzərə daxil olan suların 80 faizdən çoxu Volqa çayının payına düşür. Bu isə onu göstərir ki, Volqa Xəzəri qidalandıran əsas mənbədir. Bu il Volqa hövzəsində yağıntılar normadan 2–2,1 dəfə çox olub. Qışda qar şəklində yağan bu yağıntılar yazda əriməklə Xəzərə əlavə su gətirib və bu, səviyyə azalmasını müvəqqəti zəiflədə bilər.
Bu sözləri BUTA.TV-a açıqlamasında ekoloq Rövşən Abbasov Xəzər dənizinin səviyyəsində baş verən dəyişikliklərdən danışarkən deyib.
Onun sözlərinə görə, bu prosesin davamlı olub-olmaması gələcək iqlim şəraitindən asılıdır:
“Əgər bu cür yağıntılı qışlar uzunmüddətli xarakter alsa, məsələn 10–15 il davam etsə, Xəzərdə səviyyə azalması tendensiyası zəifləyə və hətta bəzi qurumuş ərazilərdə bərpa prosesi başlaya bilər”.
Ekspert əlavə edib ki, iqlim dəyişikliyi də Xəzərin səviyyəsinə ciddi təsir göstərir:
“İstixana effekti nəticəsində Xəzər hövzəsində buxarlanma getdikcə artır, bu isə Xəzərdə əsas su itkisidir. Bunun qarşısının alınması üçün uzaq ölkələrin Paris razılaşmasının müddəalarına tam əməl etməsi, atmosferə buraxılan istixana qazlarının azaldılması və temperatur artımının dayandırılması vacibdir. Lakin bu təsirlər uzunmüddətli xarakter daşıyır və nəticələrinin hiss olunması daha çox vaxt tələb edir”.
- ABŞ-ın Bakıdakı səfirliyi maşınlarını satışa çıxarır - Foto
- Kamran Əsədovun məhkəməsi: 110 min dollar kimə verilib?
- Bu sosial ödənişin davamı üçün arayışa ehtiyac yoxdur
- Təcili yardım maşınını narkotikin təsiri altında sürürmüş - Video
- Bibiheybət yolunda bərpa işləri yekunlaşdı - Video
- Müslüm Cabbarzadə nazir müavini təyin edildi
- Jurnalist AMB-yə müraciət etdi: Bu bank soyğunçudur!
- DGK Ermənistandan mal idxalına aydınlıq gətirdi