İmişlinin korrupsiya cinayətləri ilə bağlı məhkum edilmiş keçmiş icra başçısı Vilyam Hacıyevin cinayət işi üzrə müsadirə edilmiş avtomobillərinin qiyməti xeyli ucuzlaşıb.

“BUTA.TV”nun əldə etdiyi məlumata görə, “Range Rover” və “BMW 740İ” markalı avtomobillər üç dəfə satışa çıxarılsa da, onlara alıcı tapılmayıb.

İcra məmuru əmlakı 25 faiz endirimlə dördüncü dəfə hərraca çıxaracaq. 

Əvvəl 56 min manata təklif edilən “Range Rover”in qiyməti 14 min ucuzlaşaraq 42 minə, 23 minə təklif edilən “BMW” isə 5750 manat aşağı - 17250 manata düşüb.

V.Hacıyevin cinayəti ilə bağlı müsadirə edilmiş avtomobillərdən yalnız biri - “Bentley Continental GT”ya alıcı tapılıb. 65 min manata təklif edilən “Bentley” üçüncü hərracda 6 min 500 endirimlə - 58 min 500 manata satılıb.

Xəbəri rus dilində oxuyun: Конфискованные авто экс-главы Имишли резко подешевели

Qeyd edək ki, “Range Rover”i (həmin vaxt qiyməti 100 min manatdan çox idi-red) Vilyam Hacıyevin oğlu Məhəmməd Hacıyev, “BMW”ni həyat yoldaşı Cülyetta İbrahimova sürürdü.

Sail Ağasəlim

• Magistraturaya qəbul imtahanının ikinci cəhdi təkrar keçiriləcək
• Müharibə veteranı olan “Neftçi”nin xilaskarı - ÇL-də “Real”ı udmuşdu
• Pəncəli Teymurovun medalı ailəsinə təqdim olundu
• Prezidentlə xanımının rəsmi qonaqlarla birgə - Fotosu
• “Araz” yeni nəsil Tədarükçü Əməkdaşlıq Platformasını təqdim etdi
• “Azərbaycanda şəhərsalmanın inkişafı sürətlə gedir” - Yenilənib
• Sabah Bakıya intensiv yağış yağacaq
• Bakıya rəng qatan qonaqlar... - Fotolar