Milli Məclisin sabiq sədri Rəsul Quliyev 1990-cı illərin əvvəllərində Etibar Məmmədovun rəhbərlik etdiyi partiyaya “Mercedes” markalı avtomobil hədiyyə etdiyini qeyd edib.
“Etibar Məmmədovla dost idim. Daxili İşlər Nazirliyi üçün də 10 “Mercedes” almışdım”, - deyə R.Quliyev əlavə edib.
AMİP siyasi şurasının üzvü Əli Orucov Cebhe.info-ya açıqlamasında deyib ki, o zaman Etibar Məmmədova bir maşın verilmişdi: “Amma o maşının kim tərəfindən verildiyini dəqiq bilmirəm. Ola bilsin ki, Rəsul Quliyev verib. Etibar Məmmədova verilən maşının dövlət qeydiyyat nişanı isə “13-13 АГТ” idi”.
Əli Orucov Rəsul Quliyevin hədiyyəsini isə Etibar Məmmədov təşəkkür etmək üçün verdiyini deyib:
“Etibar Məmmədov Rəsul Quliyevi də o vaxt müəyyən məsələlərlə bağlı Azərbaycanın sabiq daxili işlər naziri, mərhum İsgəndər Həmidovdan müdafiə etdi. Yəqin o maşını da təşəkkür niyyətində Etibar Məmmədova hədiyyə edib”.
- Azərbaycanda yeni agentlik yaradıldı
- Bakıda bu avtobus da yenilənir: Gediş haqqı...
- Daha bir icra hakimiyyətində kütləvi ixtisar: 43 nəfər...
- Sahil Babayev dövlət qurumlarında yoxlamalar aparacaq
- Xətai İH-də şəhid ailələri ilə görüş keçirildi - Foto
- “Velotrek”də “yanğın” – FHN hərəkətə keçdi - Video
- Hökumənin atasının kartından oğurluq edənə hökm oxundu
- Müşfiq Abbasovun həbsinə bu sözlər səbəb oldu