Kollektiv Təhlükəsizlik Müqaviləsi Təşkilatının (KTMT) İrəvana nəsə borcu olması fikri yanlış və əsassızdır.
BUTA.TV xəbər verir ki, bunu Rusiya Dövlət Dumasının deputatı Yevgeni Fyodorov deyib.
Onun sözlərinə görə, KTMT Ermənistana müqavilələrdən və istehsalçıların imkanlarından kənar silah tədarük etməməlidir.
Deputat qeyd edib ki, Ermənistan Moskvanın müttəfiqi olduğunu bildirirsə, Rusiyanın Ukraynada keçirdiyi “xüsusi hərbi əməliyyatda” iştirak etməlidir:
“İrəvan KTMT layihələrində daha fəal iştirak etməlidir. Ermənistan bunu etmir və eyni zamanda da nə isə tələb edir. Deməli, bu ölkə ilə yanlış münasibətlər sistemimiz var”.
Y.Fyodorovun sözlərinə görə, Ermənistan çıxış prosedurunu başa çatdırmadığı üçün beynəlxalq hüquq nöqteyi-nəzərindən SSRİ-dən qanunsuz şəkildə çıxıb.
“Bu səbəbdən də İrəvanın Moskvanın müttəfiqi sayılmasına heç bir hüquqi əsası yoxdur”, - o fikrini yekunlaşdırıb.
- Milli Məclisin adı səhvdir - Rafael Hüseynov
- Sərsəngdə 16 milyonluq təmir işlərinə başlanılır
- Vahid Qədim Ukraynada itkin düşüb? - Ağamirzə açıqladı
- Təxminən 70 il sonra bu dəmiryol sahəsi təmir olundu
- Ramazanın 10-cu günü: Dua, imsak və iftar vaxtı...
- Azərbaycanın 79 şəhərindən 67-nin Baş planı təsdiq olundu
- Füzulinin mərkəzində neçə ailə yaşayır?
- Azərbaycanın Bəhreynə təyin olunan yeni səfiri kimdir?