“Türkiyə ilə Azərbaycan arasında qaz sahəsində əməkdaşlığa dair Hökumətlərarası sazişin təsdiqinə dair” qanun layihəsi müzakirə edilmək üçün Türkiyə Böyük Millət Məclisinin gündəliyinə daxil edilib.
BUTA.TV xəbər verir ki, qanun layihəsinə baxılması Türkiyə parlamentinin spikeri Numan Kurtulmuş tərəfindən təsdiqlənib.
Hökumətlərarası saziş Azərbaycan və Türkiyənin enerji sahəsində qarşılıqlı əlaqələrini dərinləşdirmək məqsədilə 2024-cü il mayın 14-də İstanbulda imzalanıb.
Qanun layihəsi yanvarın 16-da Fuat Oktayın sədrliyi ilə Türkiyə parlamentinin Xarici Əlaqələr Komitəsində müzakirə olunduqdan sonra müvafiq hesabat hazırlanıb.
Komitə Türkiyə və Azərbaycan arasında Bakı-Tiflis-Ərzurum qaz kəməri, Trans – Anadolu boru kəməri və Bakı-Tiflis-Ceyhan neft kəməri də daxil olmaqla, bir sıra digər uğurlu layihələrin həyata keçirildiyini vurğulayıb.
“Türkiyənin enerji daşıyıcılarının ehtiyaclarının ödənilməsinə Azərbaycan mühüm töhfə verir. Bununla da Ankaranın region ölkələrinin enerji təhlükəsizliyinin təmin edilməsində aparıcı rolunun möhkəmləndirilməsinə şərait yaradır”, - TBMM-in komitəsinin hesabatında qeyd olunub.
Bildirilib ki, normativ akt Türkiyə və Avropa ölkələrinin enerji təminatı mənbələrinin şaxələndirilməsi, həmçinin Naxçıvan Muxtar Respublikasının qazla təmin edilməsində xüsusi önəm daşıyır.
Sazişdə Bakı ilə Ankara arasında enerji sahəsində birgə sərmayələrlə bağlı əməkdaşlıq da nəzərdə tutulub.
“Türkiyə ilə Azərbaycan arasında qaz sahəsində əməkdaşlığa dair Hökumətlərarası sazişin təsdiqinə dair” qanun layihəsi ötən il dekabrın 27-də Prezident Rəcəb Tayyib Ərdoğanın imzası ilə Türkiyə parlamentinə göndərilib.
- Baş nazirdən yeni qərar
- Qırmızı Ürəklər Fondundan Ramazan ayında həmrəylik çağırışı
- Polis 26 yaşlı bu qadını axtarır - Foto
- “Araz” internat məzunlarının məşğulluğuna dəstək göstərəcək
- Tanışını öldürmək istəyən şəxsə ağır cəza...
- WUF13 şirkəti “AzərEnerji” ilə memorandum imzaladı
- Xətaidə Xocalı soyqırımı ilə bağlı hazırlıq işləri yekunlaşdı - Foto
- DİN bu əməliyyatın görüntülərini yaydı - Video