Bu gün Almaniyanın Türkiyənin zəlzələ bölgəsində olan iki yardım təşkilatı təhlükəsizliklə bağlı və atışma xəbərlərini əsas gətirərək, xilasetmə əməliyyatını dayandırıb.

BUTA.TV xəbər verir ki, bu barədə "Röyters" agentliyi məlumat yayıb.

Almaniya Beynəlxalq Axtarış və Xilasetmə Xidməti və Almaniya Federal Texniki Yardım Agentliyi AFAD-ın vəziyyəti təhlükəsiz olaraq dəyərləndirən kimi işlərinə davam edəcəklərini bildiriblər.

Qeyd edək ki, bundan öncə bənzər elanı daha əvvəl Avstriya Silahlı Qüvvələrinin Fəlakətlərə Yardım Bölməsi tərəfindən verilib.

Avstriya Müdafiə Nazirliyinin sözçüsü Mixael Bauer Tvitter hesabında yazıb ki, Türkiyə ordusu xilasetmə kontingentinin mühafizəsini öz üzərinə götürüb və əməliyyat artıq bərpa olunub.

İsveçrə də Hataydakı təhlükəsizlik vəziyyətini yaxından izlədiyini və buna uyğun olaraq təhlükəsizlik tədbirlərinin gücləndirildiyini bildirib.

• “Azərişıq” ASC birinci yerə layiq görüldü
• AQTA-dan dəniz kənarındakı quş cəsədlərinə reaksiya
• Diqqət: bu yolda sürücüləri saxlayıb, pul tələb edirlər
• MN-in vəzifəli şəxsi ona rüşvət çatdırdığını etiraf etdi
• Sosial şəbəkədə əxlaqsız ifadələr: 6 nəfər məsuliyyətə cəlb edildi
• Nazirliyin sosial layihəsi: mənzillərin satışı davam edir
• Naxçıvanda imzalanmış 10 fərman ləğv edildi
• Bakıda qəzalı su xətləri yeniləndi - Video