İranın Naxçıvan Muxtar Respublikasının mülki infrastruktur obyektlərinə qarşı hücum zamanı xəsarət alanlardan üçü hava limanının əməkdaşı olub.
BUTA.TV xəbər verir ki, bu barədə Baş Prokurorluğun məlumatında qeyd olunub.
Bildirilib ki, 1986-cı il təvəllüdlü Reyhanə Sabir qızı Vəliyeva, 1996-cı il təvəllüdlü Zülfüqar Məmməd oğlu Zülfüqarlı, 1996-cı il təvəllüdlü Mehdi Mətləb oğlu Əsgərov müxtəlif dərəcəli bədən xəsarətləri alıb.
Bundan başqa, təyyarəyə minik gözləyən sərnişin 1998-ci il təvəllüdlü Əsəd Vidadi oğlu Cəfərov da xəsarətlər alıb.
Zərərçəkmiş şəxslərə müvafiq tibbi yardımlar göstərilib, hazırda xəstəxanada həmin nəzarəti altında müalicələri davam etdirilir.
Xatırladaq ki, İran tərəfindən Naxçıvanın Beynəlxalq Aeroportu dron hücumuna məruz qalıb. Azərbaycan Müdafiə Nazirliyi məsələyə dərhal reaksiya verib. Bildirilib ki, baş verən hadisəyə görə məsuliyyət tam şəkildə İran İslam Respublikasının üzərinə düşür. Azərbaycan Respublikası Müdafiə Nazirliyi ölkəmizin ərazi bütövlüyünün və suverenliyinin müdafiəsi, mülki şəxslərin və mülki infrastrukturun təhlükəsizliyinin təmin olunması üçün zəruri cavab tədbirlərini hazırlayır. Qeyd olunub ki, bu hücum aktları cavabsız qalmayacaq.
- Nazirlər Kabineti məlumat yaydı: İranla sərhəddə...
- Expressbankdan bayram təklifi!
- WUF13 çərçivəsində “Təmiz Şəhər”lə memorandum imzalandı
- Yaralılardan üçü hava limanının əməkdaşıdır
- Şahin Şıxlinski və Səfərov qardaşlarına hökm oxundu
- Ordumuz bir nömrəli səfərbərlik vəziyyətinə gətirilib - Prezident
- Naxçıvana dron hücumu ilə bağlı İrandan ilk açıqlama
- “Araş”la Naxçıvanı dağıtdıq: bu, xəbərdarlıq idi - SEPAH