Prezident İlham Əliyevin 2022-ci ilin noyabrın 26-da imzaladığı sərəncama əsasən Azərbaycanda həqiqi hərbi xidmətə növbəti çağırış başlayıb.
BUTA.TV xəbər verir ki, artıq bu gündən çağırışçıların müəyyən edilən qrafik əsasında xidmət yerlərinə göndərilməsinə başlanılıb.
Belə ki, 2005-ci ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1988-2004-cü illərdə doğulmuş, yaşı 35-dək olan, Azərbaycan Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan vətəndaşları 2023-cü il yanvarın 1-dən 30-dək müddətli həqiqi hərbi xidmətə çağırılırlar.
Eyni zamanda xidmət müddətini keçmiş müddətli həqiqi hərbi xidmət hərbi qulluqçuları 2023-cü il yanvarın 1-dən 30-dək ehtiyata buraxılırlar.
Qeyd edək ki, Prezident İlham Əliyev 2022-ci ilin noyabrın 26-da Azərbaycan vətəndaşlarının 2023-cü il yanvarın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında sərəncam imzalayıb.
- Azərbaycanda vəzifəli şəxs vəfat etdi - Foto
- Alimenti ödəyə bilməyənlərin yerinə pulu dövlət ödəyəcək? - Video
- Bakının bu rayonlarında işıq olmayacaq
- Hərbçimiz faciəvi şəkildə öldü - Foto
- WUF13: Bakıda dəhşətli tıxac gözlənilirdi, ancaq...
- “Düşünür ki, deputatsansa, qanunsuz işləri də görə bilərsən” - Videomüsahibə
- “İrana görə oğlumun toyuna getməyə bilərəm” - Video
- Ayağını itirdiyi yarışmada qalib elan edildi