Ukraynadakı Rusiya qoşunlarının birləşmiş qrupunun komandanı olaraq Serqey Surovikin həddən artıq çox nüfuz qazandı və Şoyqu ilə Gerasimovun üzərindən keçərək Rusiya Prezidenti Vladimir Putinlə birbaşa danışa bildi. Şübhəsiz ki, bu, Şoyqu və Gerasimovun xoşuna gəlmədi və onlar Surovikini sakitcə "kənarlaşdırmaq" qərarına gəldilər.
BUTA.TV xəbər verir ki, bu sensasion fikirləri amerikalı hərbi ekspert Rob Li bölüşüb.
Rob Li Prigojinin (rus oliqarxı, Putinin dostu, “Vaqner”in sahibi - red.) Surovikini təriflədiyini, ancaq Müdafiə Nazirliyinin yüksək rəhbərliyini tənqid etdiyini xatırladaraq, Kreml üçün uğurlu proseslərin bir çoxunun arxasında məhz Surokinin durduğunu qeyd edib:
“İndi Soledarın alınması və bu əməliyyat istiqamətində uğurun inkişafı dalğasında baş verən bütün bonuslar yeni komandirin adına yazılacaq”, - deyə o qeyd edib.
Xatırladaq ki, ötən gün Rusiya ordusunun Baş Qərargah rəisi Gerasimov Ukraynadakı birləşmiş qoşunların komandanı təyin edilib, Surovikin isə onun müavini olub.
- Küləklə bağlı sarı xəbərdarlıq
- Fuad Nəcəfli istintaqa cəlb edildi
- ADY sərnişinlərə kitab hədiyyə edir - Foto
- Ordumuzun əsgəri vəfat etdi - İki ay sonra tərxis olunacaqdı
- Ölüm təhdidi ilə gündəmə gələn şəxsə vəzifə verildi
- Polkovnik əsgər ölümünə görə vəzifədən çıxarıldı
- “Kristal” iddialara aydınlıq gətirdi
- Bu qurumların nəqliyyat vasitələri hərraca çıxarılır