Azərbaycanın hərbi əməliyyatların bərpa edilməsinə tərəfdar olmadığını bütün dünya bilir. Hətta 2020-ci ildə müharibənin başlamasının səbəbi də Ermənistanın ardıcıl olaraq törətdiyi təxribatlar idi. Ötən ilin sentyabr ayında baş verən toqquşmaların səbəbi də eynidir.
Bu sözləri BUTA.TV-a Qarabağda yeni müharibə riskinin artması ilə bağlı müxtəlif xarici mətbuat orqanlarında yayımlanan xəbərlər və ekspertlərin səsləndirdiyi fikirlər haqqında danışan Azərbaycanın keçmiş xarici işlər naziri Tofiq Zülfüqarov deyib.
Diplomat müharibə riskini artıran səbəbləri sadalayıb:
“Ermənistanın daim təxribata, silaha əl atdığını görürük. Yeni müharibə riskinin artması ilə bağlı proqnozların verilməsinin də arxasında Ermənistanın müzakirələri ləngitməsi, onu manipulyasiya etməsi, 10 noyabr Üçtərəfli Bəyanatın şərtlərinin yerinə yetirməməsi, delimitasiya və demarkasiya prosesindən, sülh müqaviləsini imzalamaqdan boyun qaçırması, insan hüquqları pərdəsi altında Qarabağdakı separatçılara dəstək verməsi və s. səbəblər dayanır. Revanşist qüvvələr təxribatdan əl çəkmirlər və yeni təxribatların baş verməsi də istisna deyil. Azərbaycan isə haqlı olaraq belə addımlar qarşısında səssiz qalmayacaq, qarşı tərəfin təxribatlarına lazımi cavab veriləcək”.
- Hikmət Hacıyevdən WUF13-lə bağlı paylaşım
- Mən İlham Əzizin yerinə olsaydım, “Nataşa”nı götürüb Salyana gətirərdim...
- BMT baş katibinin müavini "ASAN xidmət"də...
- Hava nə vaxtadək belə olacaq? - Xəbərdarlıq
- Sənan Əsədzadə saxlanıldı
- Həcc ziyarəti bu tarixdə başlayacaq
- Daha bir ünvanda minib-düşmə yerləri yaradıldı
- Kim Çen In İlham Əliyevə məktub yolladı