Bakıda 20 yaşlı qız yenidən itkin düşüb.

Bu barədə BUTA.TV-a Daxili İşlər Nazirliyinin Mətbuat xidmətindən bildirilib.

Xəzər rayonu Binə qəsəbəsində yaşayan N.İsmayılov Xəzər Rayon Polis İdarəsinin 3-cü Polis Şöbəsinə ərizə ilə müraciət edərək bildirib ki, qızı 2003-cü il təvəllüdlü Əfsanə yaşadığı evdən çıxıb, naməlum istiqamətə gedərək bir daha geri qayıtmayıb.

İtkin düşən şəxsin əlamətləri: boyu 160 sm, gözlərinin rəngi qəhvəyi, saçları qara.

Əfsanə İsmayılova barəsində hər hansı bir məlumatı olan şəxslərin Xəzər Rayon Polis Şöbəsinin 3-cü Polis Şöbəsinə - 055-211-81-74, 051-571-03-11, 050-257-55-55 012-590-72-03 və 012-456-03-02 telefon nömrələrinə zəng edərək məlumat vermələri xahiş olunur.

Qeyd edək ki, Əfsanə İsmayılova bir neçə ay əvvəl də evdən çıxaraq naməlum istiqamətdə getmiş və itkin düşmüşdü. Həmin vaxt 3-cü Polis Şöbəsinin əməkdaşları tərəfindən həyata keçirilən axtarışlar nəticəsində onun yeri müəyyən edilmiş və Əfsanə tapılaraq ailəsinə təhvil verilmişdi.

• Bütün bu ağır sınaqlara baxmayaraq... - Kamal Abdulla
• Artıq yollarda vaxtı süni intellekt hesablayacaq - Video
• Direktorların işə qəbulu üzrə elektron qeydiyyat başlayır
• Prezidentin səhifəsində Xocalı Memorialının açılışı...
• Universitetlərdə dərs vaxtları qısaldılır?
• Dövlət Komitəsində soyqırımın ildönümü ilə bağlı tədbir keçirildi
• Azərbaycan xalqının əyilməz ruhunu görürük - Prezident
• Ramazanın 9-cu günü: Dua, imsak və iftar vaxtı...