Bakıda adam bıçaqlamaqda ittiham olunan keçmiş diplomat Emin İbrahimovun barəsindəki hökmdən verdiyi kassasiya şikayətinə baxılıb.
BUTA.TV xəbər verir ki, Ali Məhkəmədə keçirilən prosesdə qərar elan edilib.
Qərara əsasən, Emin İbrahimovun verdiyi şikayət təmin edilməyib.
Qeyd edək ki, hadisə 2024-cü ildə Bakının Nizami rayonunda qeydə alınıb.
İttihama görə, Emin İbrahimov Kamal Hacıəli oğlu Şükürov adlı Qaraçuxur sakini ilə mübahisə edərkən ona bıçaqla xəsarət yetirib.
Sabiq diplomat Cinayət Məcəlləsinin 126.2.4 (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) və 221.3-cü (silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunan xuliqanlıq hərəkətləri törətmək) maddələri ilə ittiham olunub.
Bakı Ağır Cinayətlər Məhkəməsinin hökmü ilə E. İbrahimov 7 il azadlıqdan məhrum edilib. Onun apellyasiya şikayəti də təmin edilməyib.
Xatırladaq ki, Emin İbrahimov 2007-2020-ci illərdə diplomatik xidmətdə olub. O, 2012-2016-cı illərdə Azərbaycanın ABŞ-dəki səfirliyində, 2016-2019-cu illərdə isə Azərbaycanın Uruqvaydakı diplomatik nümayəndəliyində işləyib.
- Aqrar sektorda sürətli eniş davam edir - hökumət təcili olaraq nə etməlidir?
- AMEA-da “gərgin” iclas: Yuxuya gediblər ...
- “Hüquqşünasların 99 faizi bisavaddır, hətta ən tanınmışları...” – Nazirin təklifinə irad
- Toliklə Səidə həbs edilir? - AÇIQLAMA
- Mehdiyev bu quruma ağsaqqallıq edir: Kimsə cəsarət etmir...
- Şeyxin oğlu işdən çıxarıldı
- “TƏBİB hər il baş həkimimizi dəyişir, amma mikroskopumuzun lampasını dəyişmir” - MÜSAHİBƏ
- İranda Suriyadakı kimi qarışıqlıq olarsa, Azərbaycan hiss edəcək