Bakının Yasamal rayonu 286 saylı məktəbin qarşısındakı piyada keçidi zolağını yağış yuyub. Bakı Nəqliyyat Agentliyinə bununla bağlı bir neçə dəfə məlumat verilsə də, məsələ həllini tapmır.

Bu barədə BUTA.TV-a daxil olan şikayət məktubunda bildirlib.

“Məktəbin yanında olan piyada keçidi lövhələri, sürət göstərən lövhə bərbad gündə idi və piyada keçid zolağı isə silinib getmişdi. BNA-ya müraciət edəndən sonra gəlib yerə zolaq çəkdilər, lövhələri söküb apardılar ki, yenisini gətirib yerləşdirsinlər. Zolağı 5 gündən sonra yenidən yağış yuyub apardı. Məktəbdə 2 mindən çox şagird təhsil alır. Məktəbə doğru keçid olan yolda avtomobillər istədikləri sürətlə sağa-sola şütüyürlər. 211 saylı avtobusun piyada zolağı olan yerdə hərəkətləri isə bir başqa problemdir. Qanunvericiliklə məktəblərin yanında sürət həddi 30-dur, amma bu ərazidə müvafiq lövhə yoxdur. Gərək kimisə maşın vursun, xoşagəlməz hadisə baş versin ki, Bakı Nəqliyyat Agentliyi məsələni həll etsin?!”, - məktubda qeyd olunub.

• Tramp azərbaycanlı tələbəni azad etdirdi
• "Bakı Bus" Naxçıvanda fəaliyyətə başlayacaq
• 43 yaşlı həkim əməliyyatdan sonra öldü - Foto
• Hərbçilərə ödənilən pul təminatı artırıla bilər
• General işdən getmək üçün raport yazdı - Səbəb
• Bakı-Ağdam-Bakı marşrutu üzrə əlavə qatar reysləri təyin edildi
• 15 metrlik elektrik dayağından yıxılaraq öldü
• Poladəritmə sexində partlayış: xəsarət alanlar var