Rusiya Ukraynaya dəniz blokadası tətbiq edib.
BUTA.TV xəbər verir ki, bu sözləri “Bild” qəzetinin hərbi analitiki Julian Röpke qeyd edib.
“Bazar ertəsi taxıl müqaviləsi başa çatdıqdan dərhal sonra Rusiya dəniz blokadası tətbiq etdi. Ukraynanın Odessa və Nikolayev limanlarında 12 yük gəmisi ilişib. Rusiya bombardmanları başlayandan bəri (17 iyuldan - red.) Ukraynaya bir ədəd də olsun, quru yük gəmisi daxil olmayıb”, - analitik bildirib.
Röpkenin sözlərinə görə, Rusiya müxtəlif ölkələrin bayraqları altında üzən ticarət gəmilərinə birbaşa hücum etməyə cəsarət etmir:
“Əksinə, Ukrayna ərazisini atəşə tutur. Amma özlüyündə bu zərbələr taxıldaşıyanların işini mümkünsüzləşdirir. Çünki gəmi sığortaçıları onları raketlərin müntəzəm uçduğu yerə göndərməkdən imtina edirlər”.
Qeyd edək ki, Rusiya Krım körpüsünə 17 iyulda edilən hücuma cavab olaraq Odessa limanındakı infrastruktur obyektlərə dəhşətli zərbələr endirib.
- İtkin düşən 88 yaşlı kişi axtarılır - Foto
- Bakıda avtobuslarda cibgirlik edən şəxs saxlanıldı - Video
- 11-ci siniflərin buraxılış imtahanı keçirildi
- Tofiq Heydərov 20 min manat cərimələndi
- Xızıda maşında köməksiz qalan əcnəbilər xilas edildi - Video
- Bakıya yağış yağacaq
- İranın Milli Müdafiə Universitetinə zərbələr endirildi - Video
- Naxçıvan Beynəlxalq Hava Limanının fəaliyyəti bərpa edildi - Foto