Qarabağdakı separatçılara dəstək aksiyasının iştirakçıları BMT-nin İrəvandakı ofisinin önündə təşkilata vermək üçün imza toplayırlar.
BUTA.TV xəbər verir ki, bu barədə erməni mediası məlumat yayıb.
Məlumata görə, aksiya iştirakçılarından biri cəmiyyətin Qarabağ ermənilərinə laqeydliyinin narahatlıq doğurduğunu deyib:
“Məni ən çox incidən cəmiyyətin laqeydliyi və hələ də bu hakimiyyətin tərəfdarlarının olmasıdır. Konkret olaraq bu aksiya siyasi xarakter daşımır, BMT-dən humanitar addımlar tələb edirik, niyə qoşulmursunuz? Anna Akopyan isə eyni vaxtda şam yeməyindən fotoları dərc edir, utanmır. Yəni nə demək istəyir: sən orda acından ölürsən, mən də burada uşaqlarımı vitaminlərlə yedizdirirəm? Onun mesajını başa düşməmək üçün axmaq olmalısan. Bu paylaşımın ”layklarına” baxıb daha çox ağrı hiss edirsən”.
Qeyd edək ki, Qarabağın erməni icması arasında guya “humanitar fəlakət” iddiası ilə aksiyalar başlayıb. İrəvanda bəzi revanşistlər də “dəstək aksiyası” keçirməyə cəhd edirlər.
Bakı Xankəndidə yaşayan ermənilərin hər hansı qida probleminin aradan qaldırılması üçün Ağdamdan tədarük təklifi verib. Erməni separatçılar isə Ağdam-Əsgəran yoluna beton plitələr düzərək, bu humanist təklifdən imtina edirlər.
- İtkin düşən 88 yaşlı kişi axtarılır - Foto
- Bakıda avtobuslarda cibgirlik edən şəxs saxlanıldı - Video
- 11-ci siniflərin buraxılış imtahanı keçirildi
- Tofiq Heydərov 20 min manat cərimələndi
- Xızıda maşında köməksiz qalan əcnəbilər xilas edildi - Video
- Bakıya yağış yağacaq
- İranın Milli Müdafiə Universitetinə zərbələr endirildi - Video
- Naxçıvan Beynəlxalq Hava Limanının fəaliyyəti bərpa edildi - Foto