Prezident İlham Əliyevin Xocalının Çanaqçı və Sığnaq kəndlərinə səfəri işğaldan azad edilmiş bölgələrə ziyarətindən fərqli idi: hansısa obyektin açılışı olmadı, məlumat qısa xəbər və görüntülərdən ibarət idi; belə demək mümkünsə, dövlət başçısı Xocalıya baş çəkdi.
Bu qısa görünən səfərin səbəblərini Qarabağda baş verən son proseslər fonunda axtaranda Əliyevin mesaj verdiyi aydın görünür:
- Rusiya sülhməramlı kontingentinin əsas qərargahı Xocalı rayonundadır;
- Erməni əhalisinin reinteqrasiyasına qarşı ciddi “müqavimət” göstərən separatçılar Xocalıda sülhməramlıların qərargahı önündə aksiya keçirirlər;
- Bir qrup erməninin iştirakı ilə Bakının əhalinin təminatını həyata keçirmək təklifini bloklamaq məqsədilə Ağdam yolunda barrikadalar qurulub.
Separatçıların çıxardığı oyunların arxasında Rusiyanın dayandığı, sülhməramlıların bu prosesdə kurator rolunu oynadığı şübhəsizdir. Moskvanın sərgilədiyi mövqe də bunu deməyə əsas verir. Bu kontekstdə Əliyevin sülhməramlıların qərargahının olduğu Xocalıya səfərinin Rusiyaya torpağın gerçək sahibinin kim olduğunu nümayiş etdirmək baxımından mesaj xarakteri daşıydığını deyə bilərik. Bu, Ərdoğanın “sülhməramlılar 2025-ci ildə bölgədən çıxmalıdır” açıqlamasında Moskvanın reaksiyası fonunda da təsadüfi deyil. Əliyevin eyni mesajı erməni əhalisinin reinteqrasiyasının qarşısını alan separatçılara da ünvanlanıb.
Prezidentin səfər zamanı ərazini sadəcə gəzməsi və ətrafı seyr etməsi görüntülü mesaj idi.
- Bu gün Yel çərşənbəsidir
- Ramazanın 20-ci günü: Dua, imsak və iftar vaxtı...
- İtkin düşən 88 yaşlı kişi axtarılır - Foto
- Bakıda avtobuslarda cibgirlik edən şəxs saxlanıldı - Video
- 11-ci siniflərin buraxılış imtahanı keçirildi
- Tofiq Heydərov 20 min manat cərimələndi
- Xızıda maşında köməksiz qalan əcnəbilər xilas edildi - Video
- Bakıya yağış yağacaq