Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Daşkəsən rayonunun Yuxarı Daşkəsən qəsəbəsi ərazisindən qanunsuz qarışıq süxur daşındığı müəyyən edilib.
Dövlət Ekoloji Təhlükəsizlik Xidmətindən BUTA.TV-a verilən məlumata görə, xidmət rəsmisi Bəhruz Məhəmmədov bildirib ki, araşdırma zamanı qarışıq süxurun 16-T-103 dövlət nömrə nişanlı ekskvator ilə qazılaraq, "Ford" markalı 20-AD-806 dövlət nömrə nişanlı nəqliyyat vasitəsilə ərazidən daşındığı məlum olub.
“Faktla bağlı akt tərtib olunub. Nəqliyyat vasitələrinin sürücülərinin kimliyini müəyyənləşdirmək üçün Daxili İşlər Nazirliyinin Baş Dövlət Yol Polisi İdarəsinə müraciət edilib”.
B.Məhəmmədovun sözlərinə görə, keçirilən nəzarət tədbirləri zamanı Qax rayonu ərazisindən keçən Kürmük çayının sahilindən İngiloy Kötüklü kənd sakini Rooma Berikaşvilinin idarə etdiyi ekskavatorla qum-çınqıl daşındığı müəyyən olunub. Faktla bağlı akt, protokol tərtib edilib və qanunamüvafiq tədbir görülüb.
- Baş nazirdən qərar: bu quruma xidməti maşınlar verildi
- FHN əhaliyə müraciət etdi - Video
- Müşfiq Abbasov azadlığa çıxdı
- Qızdırıcı partladı, üzərinə qaynar su dağıldı, öldü
- Baş nazir Milli Məclisdə hesabat verəcək
- MN-dən çağırış: Təşvişə düşməyin!
- “Azərsun Holdinq” Təmiz Dünya İB-yə dəstək verəcək
- Daha 200-ə yaxın vətəndaşımız təxliyə edilir