Bakı şəhəri, Nizami rayonunda fəaliyyət göstərən "Alp Delux" şadlıq evində istehlaka təqdim edilən ətlərdə at DNT-si aşkarlanıb.
Bu barədə BUTA.TV-a Azərbaycan Qida Təhlükəsizliyi Agentliyindən məlumat verilib.
Bildirilib ki, restorana baxış zamanı obyektdə soyuq qəlyanaltıların və isti yeməklərin hazırlanması sahələrində havalandırma sisteminin quraşdırılmadığı, qida ilə təmasda olan səthlərin yuyulabilən və dezinfeksiyaya davamlı materialla üzlənmədiyi, anbar sahəsində tavanda yerləşən su xətlərinin izolyasiya olunmadığı, soyuducu rəflərinin korroziyaya uğradığı müəyyən edilib.
Şübhəli hallar səbəbilə istehlaka təqdim edilən ətlərdən nümunələr götürülərək laborator müayinələrə cəlb edilib. Sınaq nəticəsində nümunələrdə at DNT-si aşkarlanıb. Nöqsanlarla bağlı obyektin rəhbəri barəsində inzibati protokol tərtib edilib. Ətlər dövriyyədən çıxarılaraq istehlaka təqdim olunmasının qarşısı alınıb, icrası məcburi göstərişlər verilib.
Azərbaycanda əhali azalır: Miqrasiya və doğum statistikası narahat edir
- 25 min abonentin su təchizatı fasiləsiz rejimə keçirildi - Video
- Mayın 14-dək meteor yağışı müşahidə olunacaq
- FHN-də Ümummilli Liderə həsr olunmuş tədbir keçirildi
- Bulvardakı məşhur klubda yararsız qida məhsulları aşkarlandı - Foto
- Mühüm qərar: Bakı metrosundan rəsmi açıqlama...
- “Тrendyol Plus” Azərbaycanda: 10 ödənişsiz çatdırılma və...
- Bu qurumlar metropolitenə birləşir - Nə dəyişəcək?
- Naxçıvanda yüksək vəzifəyə təyinat – Sərəncam