Böyük Britaniyanın Baş nazirinin ticarət elçisi Baronessa Emma Nikolson Bakı Enerji Həftəsində iştirak etmək üçün mayın 29-u Azərbaycana dördgünlük rəsmi səfərə gələcək.
Bu barədə BUTA.TV-a Böyük Britaniyanın Azərbaycandakı Səfirliyindən məlumat verilib.
Bildirilib ki, bu səfər Böyük Britaniyanın Azərbaycan ilə iqtisadi əlaqələrin gücləndirilməsinə sadiqliyinin növbəti göstəricisidir.
Baronessa Nikolson Bakıda Azərbaycanın energetika naziri Pərviz Şahbazov, mədəniyyət naziri Adil Kərimli, Milli Məclisin spikeri Sahibə Qafarova, eləcə də enerji, tikinti və tibb şirkətlərinin nümayəndələri ilə görüşəcək.
Böyük Britaniya Baş nazirinin ticarət elçisi bərpa edilmiş ərazilərin bərpasında əməkdaşlıq imkanlarını müzakirə etmək üçün Şərqi Zəngəzur iqtisadi rayonuna daxil olan Azərbaycan Prezidentinin Cəbrayıl, Qubadlı və Zəngilan rayonlarında xüsusi nümayəndəsi Vahid Hacıyev və Prezidentin Şuşa rayonunda xüsusi nümayəndəsi Aydın Kərimov ilə görüşlər keçirəcək.
Səfər çərçivəsində Baronessa Nikolson Azərbaycanın enerji bazarı imkanlarını və "təmiz" enerjiyə keçidi müzakirə etmək üçün "Baku Connect" tədbirində, həmçinin Bakı Enerji Həftəsində və Bakı Enerji Forumunda iştirak edəcək.
- Bakı metrosu yeni hərəkət qrafikinin sınağına başladı
- İranın heç nəyi qalmayıb, məhv etmişik - Tramp
- Rusiyanın xüsusi təyyarəsi Lənkərana eniş etdi
- Bağlanan özəl universitetin binası BDU-ya verildi
- Azərbaycanın Küveytdəki səfirliyi vətəndaşlara çağırış etdi
- Sabah 1600 abonentin qazı kəsiləcək
- Ramazanın 14-cü günü: Dua, imsak və iftar vaxtı...
- Metroda son zamanlar baş verən texniki nasazlıqlar... - Açıqlama