İran xarici işlər naziri Hüseyn Əmir Abdullahian ölkəsinin qonşuları ilə münasibətlərinin sürətli inkişafı haqda danışıb.

BUTA.TV xəbər verir ki, o, Tvitter hesabında “inqilab rəhbərinin qonşularla əlaqələrin genişləndirilməsi və möhkəmləndirilməsi ilə bağlı bəyanatlarına uyğun olaraq” Tehranın mehriban qonşuluq siyasətinin ciddi irəliləyiş əldə etməsindən bəhs edib. Buna misal olaraq Oman sultanının Tehrana səfərini göstərib.

Abdullahianın bu sözüləri gülüş doğurur. Ən azı ona görə ki, İran Prezidenti Rəisinin “mehriban qonşuluq siyasəti”nə qətiyyən uymayan bir tərzdə Əfqanıstan rəhbərliyini hədələməsi, bu ölkə ilə “başqa cür” danışacağını deməsi İran-Əfqanıstan münasibətlərində dərin çat yaradıb. Bunun ardınca isə İran XİN Taliban hökumətini tanımadığını bəyan edib, SEPAH Talibanı ağır zərbələrlə hədələyib.

Nəticə özünü göstərir – bir neçə gündür sərhəddə qısamüddətli toqquşmalar baş verir. Bu toqquşmalarda İran rəsmi olaraq bir əsgərini itirdiyini, iki əsgərinin yaralandığını bildirib. Qeyri-rəsmi olaraq isə İranın onlarla əsgərinin Taliban tərəfindən əsir götürüldüyü iddia edilir.

İranın şimal qonşusu Azərbaycanla münasibətləri də gərgin olaraq qalır – İran səfirliyimizə terror hücumu və bu hücumun ört-basdır edilməsi cəhdi, üstəlik, Ermənistanın işğalçılıq siyasətinin Tehran rejimi tərəfindən hərbi-siyasi dəstəklənməsi "mehriban qonşuluq siyasəti"nin nəticəsi deyil.

• Xameneinin dəfn ediləcəyi yer açıqlandı
• İranda dəqiq zərbələr: növbə məscidlərindir?
• Bakı metrosu yeni hərəkət qrafikinin sınağına başladı
• İranın heç nəyi qalmayıb, məhv etmişik - Tramp
• Rusiyanın xüsusi təyyarəsi Lənkərana eniş etdi
• Bağlanan özəl universitetin binası BDU-ya verildi
• Azərbaycanın Küveytdəki səfirliyi vətəndaşlara çağırış etdi
• Sabah 1600 abonentin qazı kəsiləcək