ABŞ Prezidentinin milli təhlükəsizlik üzrə müşaviri Ceyk Sallivan bu həftə sonu Kiyev hökuməti adından Rusiyanın Ukraynaya təcavüzünü pisləməyən bir sıra inkişaf etməkdə olan ölkələrin nümayəndələri ilə qeyri-rəsmi görüş üçün Danimarkaya səfər edəcək.
BUTA.TV xəbər verir ki, bu barədə “Faynənşl Tayms” mənbələrə istinadla məlumat yayıb.
Mənbənin məlumatına görə, Sallivan Kopenhagendə Hindistan, Braziliya və CAR kimi ölkələrin nümayəndələri ilə görüşdə iştirak etməyə razılaşıb.
“İştirakçıların siyahısı hələ təsdiqlənməyib və görüş toplantıya çevrilə bilər. Proses Ukrayna liderlərinin əks-hücum əməliyyatlarının gözlənildiyindən daha yavaş getdiyini etiraf etməsindən sonra baş verib. Türkiyədən və Çindən də rəsmi şəxslər iştirak edə bilər”, - nəşr bildirib.
Qeyd olunub ki, Vaşinqtonun təşəbbüsü Ukraynada uzun sürən müharibə ehtimalının yüksək olması və Qlobal Cənubun Rusiya ilə əməkdaşlığından irəli gələn risklərlə bağlıdır.
Nəşrin mənbələrindən biri bildirib ki, Kopenhagendə keçirilən görüş hər hansı konkret razılaşma və ya nəticə əldə etmək məqsədi daşımır, əksinə, gələcəyin perspektivlərinin öyrənilməsidir.
Qeyd edək ki, Braziliya, Hindistan, CAR və Çin Rusiyanın da daxil olduğu BRİKS-in üzvləridir.
- Ramazanın 16-cı günü: Dua, imsak və iftar vaxtı...
- Molla rejiminin Azərbaycandakı qulları
- 46 ölkənin 1341 vətəndaşı İrandan təxliyə olundu
- Bir nömrəli səfərbərlik vəziyyəti nədir?
- İtaliya diplomatları İrandan təxliyə olundu
- Əmək müqaviləsi olmadan çalışanların diqqətinə...
- Nazirlər Kabineti məlumat yaydı: İranla sərhəddə...
- WUF13 çərçivəsində “Təmiz Şəhər”lə memorandum imzalandı