Mətbuatda bu günlərdə yayılmış sözügedən xəbər yeni deyil.

BUTA.TV xəbər verir ki, bu barədə Xarici İşlər Nazirliyinin mətbuat katibi Ayxan Hacızadə Azərbaycanın İrandakı Səfirliyinin və Təbriz şəhərindəki Baş Konsulluğunun əməkdaşlarının İran tərəfindən “arzuolunmaz şəxs” elan edilməsi ilə bağlı yerli medianın sualına cavabında bildirib.

“Məlum olduğu kimi, cari ilin aprel ayının əvvəlində İranın ölkəmizdəki Səfirliyinin 4 əməkdaşı diplomatik statusa uyğun olmayan və Diplomatik Əlaqələr haqqında 1961-ci il Vyana Konvensiyası ilə ziddiyyət təşkil edən fəaliyyətlərə görə Azərbaycan hökuməti tərəfindən “persona-non-grata” (arzuolunmaz şəxs) elan edilmişdi.

İran tərəfi, öz növbəsində Azərbaycanın bu addımından bir neçə gün sonra, heç bir əsas olmadan və yalnız qarşılılıq prinsipini bəhanə gətirərək, ölkəmizin İrandakı Səfirliyindən hələ yanvar ayında təxliyə olunmuş 2 nəfər əməkdaşı və Baş konsulluğun 2 nəfər əməkdaşını arzuolunmaz şəxs elan edib.

Ölkəmizə qarşı atılmış bu addım bir sıra problemlərin mövcud olduğu ikitərəfli münasibətlərə xələl gətirir”, - XİN rəsmisi qeyd edib.

• Bakıdan BƏƏ-yə uçan təyyarə Karaçiyə təcili eniş etdi
• Sabahın hava proqnozu açıqlandı
• İran çöksə, Türkiyə tək qalacaq, artıq “hədəfə” çıxarılır
• Xamenei belə öldürülüb - Detallar
• Bu rayonlara qar yağıb – Faktiki hava
• Tramp böyük riskə gedir: Böyük müharibə başlaya bilər
• Xameneinin ölümü: İranda 40 günlük matəm elan olundu
• Bakıdan yola çıxan avtobus Naxçıvana çatdı