Qərbyönlü Rusiya KİV-ləri Rusiya Aerokosmik Qüvvələrinin baş komandanı Sergey Surovikinin həbs olunduğunu yazıb. Düşünürəm ki, bu xəbər doğru deyil.

BUTA.TV xəbər verir ki, bunu rusiyalı tanınmış politoloq Sergey Markov qeyd edib.

O, Surovikinin həbsini aşağıdakı səbəblərdən dolayı yalan ola biləcəyinə işarə edib:

1. Surovikin birbaşa televiziyada Priqojinin üsyanına qarşı çıxış etdi;

2. Kimin günahkar olduğunu müəyyən etməli olan istintaq indicə başlayıb. Çox vaxt aparmayacaq;

3. Surovikin orduda məşhurdur;

4. Surovikin yaxşı peşəkardır və ordunun ona ehtiyacı var;

5. Üsyançıların başçıları azadlıqda ola-ola, onlara qarşı çıxanların həbs edilməsi qəribə olmazdımı?

6. Surovikinin həbsi ilə bağlı mənbələr tam aydın deyil;

7. Dezinformasiyaya maraq açıq-aşkar görünür - üsyan mövzusunu diqqət mərkəzində saxlamaq; hakimiyyət isə bu mövzunu gündəmdən çıxartmağa çalışır ki, daha tez unudulsun.

Qeyd edək ki, Rusiya Aerokosmik Qüvvələrinin baş komandanı Sergey Surovikin və onun müavini general-polkovnik Andrey Yudinin vətənə xəyanətdə günahlandırıldığı barədə xəbərlər yayılıb.

Daha sonra Yudin özünün həbs olunduğu barədə xəbərləri təkzib etsə də, Surovikinin harada olmasından xəbərsiz olduğunu bildirib.

• Bu ölkələrdəki vətəndaşlarımız təxliyə ediləcək
• Sabah Bakıya yağış yağacaq
• Bakı metrosu 8 martda belə işləyəcək
• Dövlət Vergi Xidməti “OBA”nı məşğulluğa töhfəyə görə təltif etdi
• Minabdakı 160 şagirdi kim öldürüb? - ABŞ araşdırır
• TəhsilPlus kartı ilk sahiblərinə təqdim olundu
• Salyanda maşın obyektə çırpıldı, sonra yandı
• Qadın qətlə yetirildi, qaçan ərini polis saxladı