Martın 28-də İrana bağlı terror qrupları bir neçə ölkədə İsrail vətəndaşları və başqa şəxslərə qarşı terror törətməyə çalışıblar.

BUTA.TV xəbər verir ki, Azərbaycan Respublikasında millət vəkili Fazil Mustafaya qarşı törədilən terrorla eyni vaxtda Yunanıstanın paytaxtı Atenada da İsrail vətəndaşlarına məxsus restoranda terror törətməyi planlaşdıran iki şəxs həbs edilib.

İsrailin Kəşfiyyat və Xüsusi Tapşırıqlar Təşkilatı (MOSSAD) saxlanılan şəxslərin İrandan idarə olunan geniş terror şəbəkəsinin üzvü olduqlarını elan edib. Məsələ ilə bağlı Yunanıstan polisi açıqlama verib və bildirib ki, iki terrorçunun saxlanılması ilə xaricdən yönləndirilən böyük terror şəbəkəsinin təxribatçı planlarının qarşısını alıb. Atena xbəragentliyi Yunanıstan polis rəsmilərinə istinadən həbs edilən 27 və 29 yaşlı terrorçuların pakistan vətəndaşları olduqlarını və İrandan göstəriş aldıqlarını yazıb.

Mossad anti-terror əməliyyatında əməkdaşlarının rolunu açıqlayıb və bildirib ki, planlaşdırılan terror aktı İran daxilindən yönəldilmiş geniş şəbəkənin bir hissəsi idi.

İsrailin xarici işlər naziri Eli Kohen və müdafiə naziri Yuaf Qalant terror aktının qarşısını vaxtında aldığı üçün Yunanistan hökumətinə təşəkkür ediblər.

• Soyqırım qurbanlarının ailə üzvləri ilə görüş keçirildi
• İqtisadi Şuranın iclası keçirildi
• FHN-də Xocalı faciəsinin qurbanları anıldı - Foto
• Azərbaycan dövləti o qədər güclüdür ki... - Əliyev
• Bakı aeroportunda taksi üçün ödəmə köşkləri quraşdırıldı
• DTX əməkdaşları "Ana harayı" abidəsini ziyarət etdilər - Video
• FHN kollektivi Xocalı soyqırımı abidəsini ziyarət etdi
• Natiq Qasımovun bacısından Prezidentə: “Milli Qəhrəman” adı...