2016-cı ildə fəaliyyəti dayandırılan ANS telekanalı barədə yeni iddialar yayılıb.

Hit.az-ın əldə etdiyi məlumata əsasən, telekanalın fəaliyyəti bərpa oluna bilər.

Bir müddət öncə anspress saytı və ANS ÇM radiosunun 7 il sonra yenidən fəaliyyətə başlaması gündəm olmuşdu. Onların ardınca isə ANS TV-nin də yaxın zamanlarda ekranlara qayıdacağı ehtimalları səsləndirilməyə başlanıb. Üstəlik, ötən ay verilən bir vakansiya diqqət mərkəzinə düşüb. Belə ki, vakansiyada fəaliyyəti bərpa olunan televiziya kanallarından biri aşağıdakı sahələr üzrə işçi axtardığını yazılıb. Maraq üçün qeyd edək ki, aparıcı, redaktor, müxbir, reportyor, prodüser, koordinator, operator, qrafist, montajçı, efir rejissoru, SMM əməkdaşları axtarıldığı bildirilib. Üstəlik, namizədlərdən televiziya təcrübəsinin olmasının mütləq olduğu vurğulanıb.

Bütün bunlar isə sözügedən kanalın ANS olduğu iddialarının yayılmasına səbəb olub. Çünki son illərdə sadəcə ANS və Lider telekanalları fəaliyyətini dayandırıb. Lideri televiziyasının binasının artıq başqa qurumlara verildiyini və texniki avadanlıqlarının isə başqa kanallara verildiyini nəzərə alsaq, bu ehtimalın real olmadığını görərik.

Media sektorunda dolaşan iddialara görə isə ANS TV artıq bütün hazırlıqlarını tamamlayıb. Üstəlik, kanalın bütün texniki avadanlıqlarını özündə saxladığı da bu ehtimalı gücləndirən amil olaraq ön plana çıxır. İddialara görə, ANS ilin sonuna doğru fəaliyyətə başlaması sürpriz olmayacaq. Konkret olaraq, payızda bunun baş verəcəyi önə sürülür.

• Son sutkada İrandan ölkəmizə 123 nəfər təxliyə edildi
• Kanada vətəndaşları da Azərbaycana təxliyə oluna bilər
• Türkiyə və Tacikistan vətəndaşları ölkəmizə təxliyə olundu
• İrana qarşı əməliyyat: 3 amerikalı hərbçi öldü
• Ramazanın 12-ci günü: Dua, imsak və iftar vaxtı
• Bakıdan BƏƏ-yə uçan təyyarə Karaçiyə təcili eniş etdi
• Sabahın hava proqnozu açıqlandı
• İran çöksə, Türkiyə tək qalacaq, artıq “hədəfə” çıxarılır