İsrailin Baş naziri Netanyahunun vəkili Boaz Ben-Tsur müvəkkilini məhkəmə islahatlarını dayandırmayana qədər “Case 4000” məhkəmə işində təmsil etməyəcəyini bildirib.

BUTA.TV xəbər verir ki, bu barədə “Tayms İsrail” məlumat yayıb.

“Baş nazir Netanyahunun hüquqi müdafiə komandasının əsas üzvü olan vəkil Boaz Ben-Tsur ona məhkəmə islahatlarını dayandırmayınca “Case 4000” işində müdafiə etməyəcəyini söyləyib”, - məlumatda deyilir.

Qeyd edək ki, Netanyahuya qarşı “Case 4000” adı altında boyuk ittiham irəli sürülüb. Belə ki, o, ölkənin ən böyük telekommunikasiya qrupu “Bezek”in maraqları üçün lobbiçilik edib və qarşılığında məşhur internet xəbər qaynağı olan "Walla"dan müsbət rəy alıb.

Artıq 12 həfətdir ki, İsraildə və ondan kənarda Netanyahu hökumətinin həyata keçirdiyi məhkəmə islahatına qarşı etiraz aksiyaları keçirilir. Etirazçılar bildirirlər ki, təklif olunan qanun layihəsi Ali Məhkəmənin əsas qanunların qəbulu prosesinə təsirini məhdudlaşdıracaq, parlamentarilərə bu məhkəmənin qərarlarına etiraz etmək imkanı verəcək, hakimlərin təyin edilməsi proseduruna hökumət nəzarət edəcək. İsrailin müdafiə naziri Yoav Qalant da Netanyahunu islahatları dayandırmağa səsləyən şəxslər arasında olub. Onun bu çağırışından sonra Baş nazir ötən gün Qalantı istefaya göndərib.

Bunun ardınca isə İsraildə geniş etirazlar başlayıb.

• Deputat seçicilərini belə aldadır - Həm də rəsmi qəzet vasitəsilə
• Bakıda 65 yaşlı kişi küçədə öldü
• Sumqayıtda Xocalı soyqırımı qurbanlarının xatirəsi anıldı
• Bu ərazidə evlər söküləcək: Sürət qatarı keçəcək - Foto
• Jalə Əhmədovaya 2 min manat cərimə tətbiq olundu
• Bakıda dostunun atasını bıçaqlayana ağır cəza...
• Sabah Bakıya intensiv yağış yağacaq
• Bəzi nazirlik və komitələr ləğv olunacaq